ஆரோக்கியமும் மகிழ்ச்சியும் நிறைந்த வாழ்க்கைக்கான எளிய, நடைமுறை குறிப்புகளை பகிர்வதற்காகவே இந்த நவரசம் ஆரோக்கிய வலைப்பதிவைத் தொடங்கினோம். இன்றைய வேகமான உலகில், சுய பாதுகாப்புக்கான நேரத்தை உருவாக்குவது சவாலாக இருக்கலாம். ஆனால் நினைவில் கொள்ளுங்கள் — சிறிய, கவனத்துடன் செய்யப்படும் மாற்றங்களும் பெரிய மாற்றத்தை உருவாக்கும். ஆரோக்கியமான வாழ்க்கைப் பயணத்தில் எங்களுடன் இணைந்திடுங்கள். குழுசேர்ந்து உரையாடலின் ஓர் பகுதியாக இருங்கள்.

19 பிப்ரவரி, 2020

இரத்த அழுத்தம் குறைய……!!

இரத்த அழுத்தம் குறைய……

இரத்த அழுத்தம் இரத்தக் கொதிப்பு குணமாக……

செம்பருத்தி பூ (Hibiscus flower) என்பது இந்திய மக்களிடையே பரவலாகப் பயன்படுத்தப்படும் ஒரு மூலிகை. இதன் சாறு, தேநீர் அல்லது கஷாயம் வடிவத்தில் அருந்துவது பல மருத்துவ நன்மைகளை தரும் என்று நாட்டு மருந்து மற்றும் ஆய்வுகள் தெரிவிக்கின்றன.

செம்பருத்தி பூவின் நன்மைகள்:

1. இரத்த அழுத்தத்தை குறைக்கும் (Blood Pressure):

செம்பருத்தி பூவில் உள்ள anthocyanins மற்றும் polyphenols என்ற பொருட்கள் இரத்தக் குழாய்களை சுருங்கவைக்கும் செயல்பாட்டைக் குறைத்து, இரத்த அழுத்தத்தை கட்டுப்படுத்த உதவுகிறது.
சில ஆய்வுகளில், தினமும் செம்பருத்தி தேநீர் அருந்தும் பழக்கம் இரத்த அழுத்தத்தை மிதமாக குறைக்கும் என்று தெரியவந்துள்ளது.

2. கொழுப்பைக் கரைக்கும் (Fat Burning):

செம்பருத்தி பூவில் உள்ள hibiscus acid மற்றும் flavonoids உடலில் கொழுப்பை சிதைக்க உதவுகிறது.
இது lipid metabolism-ஐ மேம்படுத்தி, சிறுநீரின் ஊடாக வெளியேற்ற உதவுகிறது.
இதன் சிறுநீரிழிவு கட்டுப்படுத்தும் தன்மையால், உடலில் இன்சுலின் எதிர்ப்பு (insulin resistance) குறைவதற்கும் இது பயனுள்ளதாக இருக்கலாம்.

பயன்படுத்தும் முறை:

செம்பருத்தி தேநீர் (Hibiscus Tea):

ஒரு கைப்பிடி உலர்ந்த செம்பருத்தி பூவைக் கொதிக்கும் நீரில் 5-10 நிமிடம் விட்டுக்கொள்ளவும்.
வடிகட்டிய பின், தேவைப்பட்டால் சிறிது தேன் சேர்த்துக்கொள்ளலாம் (சர்க்கரை வேண்டாம்).
தினமும் 1-2 முறை பருகலாம் (மிகுதியால் தலையிருக்கும் அல்லது இரத்த அழுத்தம் மிக குறையலாம்).

கவனிக்க வேண்டியவை:

இரத்த அழுத்தம் குறைவாக உள்ளவர்கள் தொடர்ந்து குடிக்க வேண்டாம் – அது மேலும் குறைக்க வாய்ப்பு உள்ளது.
கர்ப்பிணிகள், உயர் மருத்து உட்கொள்பவர்கள் முன்பாக மருத்துவரிடம் ஆலோசிக்க வேண்டும்.
சிலருக்கு இது அலர்ஜி ஏற்படுத்தக்கூடும் – ஆரம்பத்தில் சிறு அளவில் முயற்சி செய்யவும்.

பிரஷர் சூரணம்

தேவையான பொருள்கள்

1.லேசாக வறுத்த சீரகம் 100கி,
2.லேசாக வறுத்த ஏல அரிசி 50கி,
3.பச்சை கற்பூரம் 25கி இதை நன்கு கல்வத்தில் அரைத்து பின் மேற்கண்ட பொருள்களையும் சேர்த்து நன்கு அரைத்து தனியாக வைத்துக் கொண்டு,
4.சுக்கு 10கி
5.மிளகு 10கி
6.திப்பிலி 10கி
7.கொத்தமல்லி 20கி
8. அமுக்கிரா 20கி

செய்முறை

4 முதல் 8 வரை உள்ளவற்றை நன்கு சூரணித்து பின் மேலுள்ள 1 முதல் 3 வரையுள்ள கலவையையும் சேர்த்து அனைத்தையும் ஒன்றாக்கி வைத்துக்கொண்டு காலை இரவு 1 கிராம் அளவு உணவுக்குப் பின்பு……

எப்படி பயன்படுத்துவது

high பிரஷர் உள்ளபோது எலுமிச்சை சாற்றிலும்,
low பிரஷர் உள்ளபோது நாட்டுக்கோழி சூப் அல்து மிளகு ரசத்திலும் அருந்தவும்.
ரத்த அழுத்தம் விரைவில் சமநிலையை அடையும்.
என்ன பிரஷர் என்றே தெரியாத போது உடல் குளிர்ந்திருந்தால் வெந்நீரிலும்,
உடல் சூடாக இருந்தால் குளிர்ந்த நீரிலும் அருந்த வேண்டும்.
பலருக்கும் கொடுத்து நல்ல பலனை கண்டுள்ளேன் நன்கு அனுபவித்த மருந்து.

பிரஷர் சூரணம்

தேவையான பொருள்கள்

சீரகம் 100 கிராம் அல்லது தேவையான அளவு
எலுமிச்சை பழச்சாறு மூழ்கும் அளவு
கண்ணாடி பாத்திரத்தில் தேவையான அளவு எலுமிச்சை சாறு ஊற்றி எடுத்துக் கொள்ளவும்.
தேவையான அளவு சீரகத்தை வெறும் வாணலியில் போட்டு லேசாக சூடு படுத்தி (பொன்னிறமாக வறுக்க வேண்டாம் லேசாக சூடு படுத்தினால் போதும் ) எடுத்துக் கொள்ளவும்.

செய்முறை

கண்ணாடிப் பாத்திரத்தில் உள்ள எலுமிச்சை சாற்றில் மூழ்கும்படி சூடு படுத்திய சீரகத்தைப் போட்டு பாத்திரத்தின் வாயை வெள்ளைத் துணியால கட்டி மூடவும்
எலுமிச்சை சாறு வற்றி சீரகம் நன்கு காயும் வரை இதை அப்படியே நாள் தோறும் வெயிலில் வைத்து வரவும்
நன்கு காய்ந்த இந்த சீரகத்தை (லேசாக சூடு படுத்தி எலுமிச்சை சாற்றில் ஊறி காய்ந்த )நன்கு அரைத்து தூளாக எடுத்து பத்திரப் படுத்தவும்

எப்படி பயன்படுத்துவது

இந்த மருத்துவ குணம் நிறைந்த சீரகத்தை நாள்தோறும் காலை மாலை என இரண்டு வேளைகள் ஒரு வேளைக்கு ஒரு தேக்கரண்டி வீதம் சாப்பிட்டு வர உயர் இரத்த அழுத்தம் அற்புதமாக கட்டுக்குள் வரும்.

இரத்த அழுத்தம், கொலஸ்ட்ரால் குறைய

தேவையான பொருட்கள்

இஞ்சி - 1 துண்டு (துருவியது)
பூண்டு - 1 (துருவியது)
ஆப்பிள் சீடர் வினிகர் - 1 டேபிள் ஸ்பூன்
தேன் - 1 டீஸ்பூன்
எலுமிச்சை சாறு - 1 டேபிள் ஸ்பூன்

செய்முறை

மேலே கொடுக்கப்பட்டுள்ள பொருட்கள் அனைத்தையும் மிக்ஸியில் போட்டு 30 நொடிகள் அரைக்கவும். பின் அதனை ஒரு டப்பாவில் போட்டு 5 நாட்கள் ஃப்ரிட்ஜில் வைத்து, பின் உட்கொள்ளவும்.

எப்படி பயன்படுத்துவது

இந்த மருந்தை தினமும் இருவேளை எடுக்க வேண்டும். அதிலும் காலையில் எழுந்தும் வெறும் வயிற்றில் 1 டேபிள் ஸ்பூன் மற்றும் இரவு உணவு உண்பதற்கு 1/2 மணிநேரத்திற்கு முன் 1 டேபிள் ஸ்பூன் என உட்கொள்ள வேண்டும்.
இச்செயலை தொடர்ந்து மூன்று நாட்கள் பின்பற்றி வந்தால், உடல் நன்கு புத்துணர்ச்சியுடனும், ஆற்றலுடனும் இருப்பது போன்று உணர்வதோடு, உங்களது உயர் இரத்த அழுத்தமும், உயர் கொலஸ்ட்ராலும் குறைந்திருப்பதை நன்கு காணலாம்.

இரத்த கொதிப்பை குறைக்க

தேவையானப் பொருள்கள்

பால்.
பூண்டு

எப்படி பயன்படுத்துவது

பசும் பாலில் 2 பல் பூண்டு நசுக்கிப் போட்டு காய்ச்சி இரவில் குடித்து வந்தால் இரத்த கொதிப்பும், கொழுப்பும் குறையும்.

உயர் இரத்த அழுத்தத்தை குறைக்க

தேவையானப் பொருள்கள்

வெண்தாமரை சூரணம்
ஏலரிசி - ஒரு பங்கு
சுக்கு - இரண்டு பங்கு
திப்பிலி - மூன்று பங்கு
அதிமதுரம் - நான்கு பங்கு
சதகுப்பை - ஐந்து பங்கு
சீரகம் - ஆறு பங்கு
வெண்தாமரை இதழ்கள் - 12 பங்கு

எப்படி பயன்படுத்துவது

1-2 கிராம் பாலுடன்.
இரத்த பித்தம் சுகமாகும்.

உயர் இரத்த அழுத்தத்தை குறைக்க

முருங்கைக் கீரை சாறில் சீரகத்தை ஊற வைத்து உலர்த்தி பொடியாக்கி, தினமும் காலையும் மாலையும் 2 கிராம் அளவு தேனில் குழைத்து சாப்பிட்டால் உயர் இரத்த அழுத்தம் குறையும்.
வெந்தயத்தை முன் தினமே ஊற வைத்து தயிரோடு அரைத்து தலைக்கு தேய்த்தால் இரத்த கொதிப்பு இறங்கும்.
அகத்தி கீரையை தினமும் மதியம் மற்றும் இரவு உணவுடன் சேர்த்து சாப்பிட்டு வந்தால் இரத்த கொதிப்பை கட்டுப்படுத்தலாம்.
தினமும் வெள்ளைப்பூண்டை ஏதாவது ஒரு வகையில் உணவில் உண்டு வந்தால், அது இரத்த அழுத்தத்தைக் கட்டுப்படுத்தும் என்று தெரிய வந்துள்ளது. தவிர இரத்த அழுத்தத்திற்கான மாத்திரைகளை விடவும் வெள்ளைப்பூண்டு மிகவும் சக்தி வாய்ந்தது.
கேரட் சாறு, ஆப்பிள் பழச்சாறு, மாம்பழச்சாறு மற்றும் பேரிக்காய் சாறுஆகியவற்றை நன்றாக கலந்து குடித்து வந்தால் உடல் வெப்பம் குறைந்து இரத்த அழுத்தம் குறையும்.
சர்பகந்தா செடியின் வேரை உலர்த்தி பொடி செய்து 1 கிராம் அளவு எடுத்து சம அளவு நெல்லிக்காய் பொடி, கடுக்காய் பொடி மற்றும் தான்றிக்காய் பொடி ஆகியவற்றை நன்றாக கலந்து காலை, மாலை சாப்பிட்டு வந்தால் உயர் இரத்த அழுத்தம் கட்டுப்படும்.
ஆரைக் கீரை சாற்றில் சீரகத்தை ஊற வைத்து, உலர்த்திப் பொடியாக்கி தினமும் காலை, மாலை இரண்டு வேளையும் 5 கிராம் அளவுக்கு சாப்பிட்டால் இரத்த அழுத்தம் குறையும்.
முழு வெந்தயம் 1 கரண்டி ,பாசிபயறு 2 கரண்டி ,கோதுமை 2 கரண்டி, இவற்றை முதல்நாள் இரவு தண்ணீரில் ஊறவைத்து, மறுநாள் காலை 2 மிளகு, கறிவேப்பிலை சேர்த்து அரைத்து , காலையில் வெறும் வயிற்றில் தோசை வார்த்து சாப்பிட்டால் இரத்த அழுத்தம் குறையும்.
கருங்காலிப்பட்டை 100 கிராம், சதகுப்பை, சீரகம், ஏலக்காய் ஆகியவற்றை வகைக்கு 20 கிராம் எடுத்து ஒன்றாகக் கலந்து இளவறுப்பாய் வறுத்து தூள் செய்து 5 கிராம் அளவு தூளை இரண்டு டம்ளர் தண்ணீரில் போட்டு கொதிக்க வைத்து, பாதியாகச் சுண்டச் காய்ச்சி சாப்பிட இரத்த அழுத்த நோய்கள் குறையும்.
தாமரைப்பூவை நன்கு சுத்தமாக்கி கஷாயம் செய்து அதனுடன் சிறிது தேன் கலந்து குடித்து வந்தால் இரத்த கொதிப்பு குறையும்.
குறைந்த இரத்த அழுத்தம் இருப்பவர்கள் ஜடமான்சி வேர், கற்பூரம் மற்றும் இலவங்கப்பட்டைகளை நன்றாக இடித்து போட்டு நீர் விட்டு காய்ச்சி வடிகட்டி குடித்து வந்தால் குறைந்த இரத்த அழுத்தம் மாறும்.
கறிவேப்பிலையை நீர் விட்டு அரைத்து சாறு எடுத்து அதனுடன் சிறிது எலுமிச்சைச்சாறு கலந்து காலையில் குடித்து வந்தால் உயர் இரத்த அழுத்தம் கட்டுப்படும்.
அகத்தி கீரை, சுண்ட வத்தல் ஆகியவைகளை சமைத்து அடிக்கடி உணவில் சேர்த்து சாப்பிட்டு வந்தால் இரத்த அழுத்தம் குறையும்.
அருகம்புல்லை நன்கு சுத்தம் செய்து கழுவி சாறு எடுத்து அதனுடன் ஐந்து பங்கு சுத்தமான தண்ணீர் சோ்த்து சாப்பிட்டு வந்தால் இரத்த அழுத்தம் குறையும்.
தினமும் காலையில் வெறும் வயிற்றில் 4 வெள்ளைப் பூண்டுப் பற்களை சாப்பிட இரத்த அழுத்தம் குறையும்.
முள்ளங்கியில் பொட்டாசியம் அதிகமாக இருப்பதால் அதனை அடிக்கடி உணவில் சேர்த்துக் கொள்வதால் முள்ளங்கி இரத்த அழுத்தத்தைக் குறையச் செய்யும்.
அதிகம் சத்தம் போட்டுப் பேசுவதை நிறுத்திவிட வேண்டும்.
இரத்த அழுத்தம் குறைய தினமும் ஒரு வாழைப் பழம் சாப்பிடுவது நல்லது.
உப்பும் உப்புச் சார்ந்த ஊறுகாய், அப்பளம், நொறுக்குத் தீனிகள், கருவாடு போன்றவற்றைத் தவிர்த்து விடுதல் நல்லது.
தினமும் 45 நிமிடம் நடைப் பயிற்சி செய்வது இரத்த அழுத்தத்தைக் குறையச் செய்யும்.
உணவில் குறைந்த அளவு உப்பை சேர்த்துக் கொள்ளுதல் வேண்டும்.
தினமும் ஒரு நெல்லிக்காய் சாப்பிட இரத்த அழுத்தம் குறையும்.
எளிதில் சீரணமாகக்கூடிய உணவை மட்டுமே உண்ண வேண்டும்.
உணவில் அதிகளவு கீரைகள், பழங்கள் சேர்த்துக் கொள்ள வேண்டும்.
குறிப்பாக குப்பைக்கீரை, முருங்கைக் கீரை,சிறுகீரை போன்றவற்றைசாப்பிடவேண்டும்.
தினமும் உணவில் கறிவேப்பிலையை அதிகம் சேர்த்துக்கொள்வது நல்லது.
தினமும் யோகா மற்றும் தியானம் செய்து வந்தால் இரத்த அழுத்தம் பெருமளவு குறையும்.
அளவுக்கதிகமாக உள்ள உடற்பருமனைக் குறைப்பதால் இரத்த அழுத்தம் குறையும்.
புகை பிடித்தல், அளவுக்கதிகமாக மது அருந்துதல் முதலிய பழக்கங்களை நிறுத்துவதனால் இரத்த அழுத்தம் குறையும்....!!
இரத்த அழுத்த நோய் உள்ளவர்கள் நாள்தோறும் காலையில் 1-அவுன்ஸ் துளசிச் சாறெடுத்துச் சாப்பிடுவது நல்லது. உடலில் தடை பட்டிருக்கும் ரத்தக்குழாய்களைத் துளசிச் சாறு அகலப்படுத்த உதவுகிறது. இதனால் ரத்த-அழுத்தம் குறைந்து விடும்.
மருதம் பட்டை, அளவில் பாதி சீரகம் சோம்பு, மஞ்சள் சேர்த்து பொடியாக்கி , காலை மாலை 6 கிராம் அளவு எடுத்து, 400 மில்லி தண்ணீரில் கலந்து கொதிக்க வைத்து , தண்ணீர் அளவு 200 மில்லி ஆனதும் , பருகி வர, இரத்த அழுத்த நோய் உடலை விட்டு அகலும்.

சேர்க்க வேண்டியவை

தினமும் காலையில் முருங்கைக்கீரையும், சிறிய வெங்காயமும் சேர்த்து சூப் சாப்பிடலாம். மதிய உணவில் 5 - 10 பூண்டுப்பற்கள், 50 கிராமுக்குக் குறையாமல் சிறிய வெங்காயம் சேர்த்துக்கொள்ளலாம். வாழைத்தண்டு, வாழைப்பூ, சுரைக்காய், பீர்க்கங்காய், பார்லி ஆகியவற்றை அடிக்கடி உணவில் சேர்ப்பது அவசியம். எண்ணெய் உணவில் குறைவாக சேர்க்கலாம்.
சீரகத்தை லேசாக வறுத்து அதை மூன்று நாட்கள் இஞ்சிச் சாறிலும், மூன்று நாட்கள் எலுமிச்சைச் சாறிலும் இன்னும் மூன்று நாட்கள் கரும்புச்சாறிலும் ஊறவைத்து உலர்த்திப் பொடித்துக்கொள்ளுங்கள். இந்த பொடியை காலை மாலை ஒரு ஸ்பூன் சாப்பிட்டு வரலாம். கடைகளில் சீரக சூரணமாகவும் கிடைக்கும். வெந்தயத்தை தினமும் பொடித்து சப்பிடலாம்.

❌ தவிர்க்க வேண்டியவை

பல காய்கறிகளில் நமக்கு தேவையான உப்புச் சத்து அதிகம் உள்ளது. அதனால், மிகச் சிறிதளவே உப்பு சேர்த்தால் போதுமானது. ரத்தக் கொதிப்பு இருப்பவர்கள் உப்பை மறந்தே தீரவேண்டும். புலால் உணவைத் தவிர்ப்பது நல்லது. ஊறுகாய், இட்லி மிளகாய்ப் பொடி, அப்பளம்,

குறைவான ரத்த அழுத்தம் (Low Blood Pressure / Hypotension)

ரத்த அழுத்தம் (Blood Pressure) என்பது இதயம் ரத்தத்தை பம்ப் செய்யும் போது ரத்த நாளங்களில் உருவாகும் அழுத்தம் ஆகும். பொதுவாக 120/80 mmHg என்பது இயல்பான அளவாகக் கருதப்படுகிறது.

உலக சுகாதார நிறுவனம் – World Health Organization – ஒரு நபரின் ரத்த அழுத்தம் 100/70 mmHg முதல் 140/90 mmHg வரை இருந்தால் இயல்பு அளவாக கருதுகிறது.

140/90 mmHg மேல் – உயர் ரத்த அழுத்தம்
90/60 mmHg கீழ் – குறைவான ரத்த அழுத்தம் (Hypotension)

பலர் உயர் ரத்த அழுத்தம் பற்றி கவனம் செலுத்தினாலும், குறைவான ரத்த அழுத்தமும் சில நேரங்களில் ஆபத்தான நிலையை ஏற்படுத்தக்கூடும்.

குறைவான ரத்த அழுத்தம் என்றால் என்ன?

இதயத்திலிருந்து மூளை மற்றும் பிற உடல் உறுப்புகளுக்கு போதுமான அளவு ரத்தம் செல்லாத நிலை தான் குறை ரத்த அழுத்தம். இது சத்துக்குறைபாடு மட்டுமல்ல; சில சமயங்களில் “சைலண்ட் கில்லர்” ஆகவும் மாறக்கூடும்.

யாருக்கு அதிக வாய்ப்பு?

தடகள வீரர்கள்
தீவிர உடற்பயிற்சி செய்பவர்கள்
ஒல்லியான உடல்வாகு உள்ளவர்கள்
கர்ப்பிணிகள்
தைராய்டு பிரச்சனை உள்ளவர்கள்
முதியவர்கள் (65 வயதுக்கு மேல்)
நீண்ட நாட்கள் படுக்கையில் இருப்பவர்கள்

முக்கிய அறிகுறிகள்

தலைச்சுற்றல்
மயக்கம்
வாந்தி
அதிக நாவறட்சி
சோர்வு, பலவீனம்
கண் இருட்டுவது
பார்வை மங்கல்
மனக்குழப்பம்
கவனம் குறைவு
உடல் சில்லிடுதல்
மூச்சுத்திணறல்

இந்த அறிகுறிகளில் ஒன்று அல்லது பல இருந்தால் மருத்துவரை அணுக வேண்டும்.

முக்கிய காரணங்கள்

1. கர்ப்பம்

கர்ப்ப காலத்தில் ரத்தக் குழாய்கள் விரிவடைவதால் தற்காலிகமாக ரத்த அழுத்தம் குறையும். பிரசவத்திற்குப் பிறகு சரியாகும்.

2. நீரிழப்பு

காய்ச்சல், வாந்தி, வயிற்றுப்போக்கு, கடுமையான வெயில் போன்றவை காரணமாக நீர் இழப்பு ஏற்படும்போது ரத்த அழுத்தம் குறையும்.

3. இதய மற்றும் நுரையீரல் நோய்கள்

இதய வால்வு கோளாறு
மாரடைப்பு
இதய செயலிழப்பு
Pulmonary Embolism
Varicose veins

4. ஹார்மோன் கோளாறுகள்

தைராய்டு, அட்ரீனல் சுரப்பி பிரச்சனைகள், கட்டுப்படாத நீரிழிவு நோய்.

5. ரத்த இழப்பு

விபத்துகள், டெங்கு, குடல் புண், அதிக மாதவிடாய்.

6. தீவிர தொற்று

ரத்தத்தில் கிருமி கலக்கும் நிலை (Septicemia).

7. மருந்துகள்

சிறுநீர் வெளியேற்ற மருந்துகள்
மன அழுத்த மருந்துகள்
ஆண்மை குறைபாட்டிற்கான “வயாகரா” வகை மருந்துகள்
உயர் ரத்த அழுத்த மாத்திரைகள் (அதிக அளவில் எடுத்தால்)

சிறப்பு வகைகள்

1. இருக்கை நிலை சார்ந்த குறை ரத்த அழுத்தம்

(Postural Hypotension)
படுக்கையிலிருந்து திடீரென எழும்போது தலைச்சுற்றல் ஏற்படுவது.

2. உணவுக்குப் பின் குறை ரத்த அழுத்தம்

(Postprandial Hypotension)
உணவு எடுத்த உடன் ரத்த அழுத்தம் குறைதல். முதியவர்களுக்கு அதிகம்.

என்ன செய்யலாம்?

அடிப்படை காரணத்தை கண்டறிந்து சிகிச்சை பெற வேண்டும்
மருத்துவர் ஆலோசனைப்படி உப்பை சிறிதளவு அதிகரிக்கலாம்
நிறைய தண்ணீர் குடிக்க வேண்டும்
கால்களுக்கு கம்பிரஷன் ஸ்டாக்கிங் அணியலாம்
மெதுவாக எழுந்து நிற்க வேண்டும்
திடீர் உடற்பயிற்சி தவிர்க்க வேண்டும்
போதுமான ஓய்வு மற்றும் உறக்கம் அவசியம்
புகை, மது தவிர்க்க வேண்டும்

குறைவான ரத்த அழுத்தம் இருப்பவர்கள் சாப்பிட வேண்டிய உணவுகள்

1. பட்டாணி

ப்ரோட்டீன், ஃபோலிக் அமிலம் நிறைந்தது.

2. உருளைக்கிழங்கு

ஸ்டார்ச் நிறைந்ததால் தற்காலிகமாக ரத்த அழுத்தத்தை உயர்த்த உதவும்.

3. பப்பாளி

விட்டமின் C, பொட்டாசியம் நிறைந்தது.

4. கொய்யாப்பழம்

உணவுக்கு முன் எடுத்தால் நல்லது.

5. தயிர்

பொட்டாசியம், கால்சியம், மக்னீசியம் நிறைந்தது.

6. தக்காளி

லைகோபீன் சத்து ரத்த ஓட்டத்தை சீராக்க உதவும்.

7. அவகேடோ

நல்ல கொழுப்பு மற்றும் பொட்டாசியம் அதிகம்.

8. கேரட்

ஆண்டி-ஆக்ஸிடண்ட் மற்றும் பொட்டாசியம்.

9. தர்பூசணி

L-citrulline ரத்த நாளங்களுக்கு நல்லது.

10. கிஸ்மிஸ்

பொட்டாசியம் மற்றும் இயற்கை சர்க்கரை.

11. டார்க் சாக்லெட்

அறிகுறி நேரத்தில் சிறிதளவு.

12. பீட்ரூட்

இரும்பு, ஃபோலேட் நிறைந்தது; ரத்த சோகை உள்ளவர்களுக்கு நல்லது.

வீட்டுவழி பராமரிப்பு குறிப்புகள்

வெந்நீரில் எலுமிச்சை + தேன் + கல் உப்பு
பாதாம் + பால்
கேரட் ஜூஸ் + தேன்
தேனில் ஊறவைத்த இஞ்சி

⚠️ கவனம்: இவை ஆதரவு முறைகள் மட்டுமே. தொடர்ந்து தலைச்சுற்றல், மயக்கம் இருந்தால் உடனே மருத்துவரை அணுக வேண்டும். சுய மருத்துவம் செய்ய வேண்டாம்.

முடிவு

குறைவான ரத்த அழுத்தம் பல நேரங்களில் சாதாரணமாக தோன்றினாலும், சில சூழ்நிலைகளில் அதிர்ச்சி நிலை (Shock) ஏற்படுத்தும் ஆபத்து உண்டு.

எனவே:
✔️ அறிகுறிகளை அலட்சியம் செய்யாதீர்கள்
✔️ காரணத்தை கண்டறிந்து சிகிச்சை பெறுங்கள்
✔️ சரியான உணவு, வாழ்க்கை முறையை பின்பற்றுங்கள்

உங்கள் உடல்நலம் உங்கள் கையில்! 💙

31 டிசம்பர், 2019

🫀 உயர் இரத்த அழுத்தம் – காரணங்கள், அறிகுறிகள் மற்றும் இயற்கை வைத்திய முறைகள்

உயர் இரத்த அழுத்தம் (High Blood Pressure) என்பது இன்றைய காலத்தில் அதிகம் காணப்படும் மௌன நோய்களில் ஒன்று. ஆரம்பத்தில் அறிகுறிகள் தெளிவாக தெரியாமல் இருப்பதால் இது “Silent Killer” என அழைக்கப்படுகிறது.

🔎 இரத்த அழுத்தம் என்றால் என்ன?

ஒரு மனிதனின் சராசரி இரத்த அழுத்தம் 120/80 mmHg ஆகும்.

120 – இதயம் தமனிகளில் இரத்தத்தை செலுத்தும் போது ஏற்படும் அழுத்தம் (Systolic Pressure)
80 – இதயம் ஓய்வில் இருக்கும் போது ஏற்படும் அழுத்தம் (Diastolic Pressure)

👉 140/90 mmHg-க்கு மேல் இருந்தால் அது உயர் இரத்த அழுத்தமாக கருதப்படுகிறது.

⚠️ அதிகரித்தால் ஏற்படும் ஆபத்துகள்

பக்கவாதம்
இதய நோய்
சிறுநீரக செயலிழப்பு
தமனிகள் அடைப்பு

🌿 உயர் இரத்த அழுத்தத்தை கட்டுப்படுத்த இயற்கை வைத்திய முறைகள்

🍎 1. அப்பிள் சிடர் வினிகர் (Apple Cider Vinegar)

இயற்கையின் வரப்பிரசாதமான ஆப்பிள் சிடர் வினிகரில் பல நன்மைகள் உள்ளன.

நன்மைகள்:

பொட்டாசியம் நிறைந்தது
உடலில் உள்ள அதிக சோடியம் மற்றும் நச்சுக்களை வெளியேற்ற உதவும்
ரத்த அழுத்தத்தை குறைக்க உதவும்

பயன்படுத்தும் முறை:

காலையில்:

1 டீஸ்பூன் ஆப்பிள் சிடர் வினிகர்
1 டீஸ்பூன் தேன்
1 டம்ளர் வெந்நீர்

இவற்றை கலந்து குடிக்கலாம்.

🍋 2. எலுமிச்சை சாறு

நன்மைகள்:

வைட்டமின் C நிறைந்தது
ரத்த நாளங்களை மென்மையாக்கும்
உடலில் உள்ள நச்சுக்களை வெளியேற்றும்

பயன்படுத்தும் முறை:

தினமும் காலை:

1 க்ளாஸ் வெந்நீரில்
அரை எலுமிச்சை சாறு

கலந்து குடிக்கலாம்.

🌱 3. வெந்தயம்

நன்மைகள்:

நார்ச்சத்து அதிகம்
ரத்த அழுத்தத்தை குறைக்கும்

பயன்படுத்தும் முறை:

இரவில் வெந்தயம் ஊறவைத்து
காலை வெறும் வயிற்றில் அந்த தண்ணீரை குடிக்க வேண்டும்

🌾 4. சியா விதைகள்

நன்மைகள்:

ஒமேகா-3 கொழுப்பு அமிலம் நிறைந்தது
ரத்த அழுத்தத்தை குறைக்க உதவும்

பயன்படுத்தும் முறை:

1 ஸ்பூன் சியா விதை
30 நிமிடம் ஊறவைத்து
அந்த நீரை குடிக்கலாம்

🥛 5. குறைந்த கொழுப்பு பால்

நன்மைகள்:

பொட்டாசியம் மற்றும் கால்சியம் நிறைந்தது
ரத்த அழுத்தத்தை கட்டுப்படுத்த உதவும்

முழு கொழுப்பு பாலுக்கு பதிலாக குறைந்த கொழுப்பு பாலைத் தேர்வு செய்யலாம்.

🥤 வீட்டிலேயே தயாரிக்கும் ஆரோக்கிய பானங்கள்

🥬 புதினா – கொத்தமல்லி – நெல்லிக்காய் சாறு

தேவையான பொருட்கள்:

புதினா இலை – 1 கப்
கொத்தமல்லி – 1 கப்
பெரிய நெல்லிக்காய் – 5
தண்ணீர் – 1 கப்

தயாரிக்கும் முறை:

நெல்லிக்காய் கொட்டை நீக்கவும்
எல்லாவற்றையும் சேர்த்து அரைக்கவும்
வடிகட்டி குடிக்கவும்

🫚 இஞ்சி சூரணம்

இஞ்சி சாறு – 1 ஸ்பூன்
தேன் – 1 ஸ்பூன்
தண்ணீர் – 200 மிலி

காலை மற்றும் மாலை குடிக்கலாம்.

🧄 6. பூண்டு

பூண்டில் உள்ள அல்லிசின் (Allicin):

நைட்ரிக் ஆக்ஸைடு அதிகரிக்க உதவும்
ரத்த நாள தசைகளை ஓய்வடையச் செய்கிறது
இதய அழுத்தத்தை குறைக்கிறது

🌿 7. கற்பூரவள்ளி

ரத்த குழாய்களின் தசைகளை தளர்த்தும்
இதய துடிப்பை சீராக்கும்

🌳 8. முருங்கைக்காய்

புரதம் மற்றும் வைட்டமின்கள் நிறைந்தது
ரத்த அழுத்தத்தை குறைக்க உதவும்

பருப்பு வகைகளுடன் சமைத்து சாப்பிடலாம்.

🍈 9. நெல்லிக்காய்

வைட்டமின் C நிறைந்தது
ரத்தக் குழாய்களை விரிவாக்க உதவும்

🥕 10. முள்ளங்கி

பொட்டாசியம் நிறைந்தது
உயர் இரத்த அழுத்தத்தை குறைக்க உதவும்

🌰 11. எள்

நல்லெண்ணெய் பயன்பாடு
ரத்த அழுத்த கட்டுப்பாட்டிற்கு உதவும்

🌾 12. ஆளி விதை

ஒமேகா-3 மற்றும் லினோலினிக் அமிலம் நிறைந்தது
கொலஸ்ட்ரால் மற்றும் ரத்த அழுத்தம் குறைக்க உதவும்

🌿 13. ஏலக்காய்

ஆய்வுகளின் படி:

தினமும் 3 கிராம் ஏலக்காய் பொடி
3 மாதங்களில் ரத்த அழுத்தம் குறையும்

🍎 உணவு முறையில் கவனிக்க வேண்டியவை

✅ உப்பு குறைக்க வேண்டும்
✅ மது மற்றும் புகைப்பழக்கம் தவிர்க்க வேண்டும்
✅ பொட்டாசியம் நிறைந்த உணவுகள் சேர்க்க வேண்டும்

பொட்டாசியம் நிறைந்த உணவுகள்:

வாழைப்பழம்
உருளைக்கிழங்கு
வெள்ளரி
ஆரஞ்சு
முட்டைக்கோஸ்
தக்காளி
காலிஃபிளவர்
கீரை
பிரக்கோலி

🧘‍♂️ லாஃப்டர் தெரப்பி (Laughter Therapy)

மனஅழுத்தம் அதிகரித்தால் ரத்த அழுத்தமும் அதிகரிக்கும்.

தினமும்:

15–20 நிமிடம் சிரிக்க வேண்டும்
காலை நடைப்பயிற்சி
குடும்பத்தினருடன் மகிழ்ச்சியாக உரையாடுதல்

சிரிக்கும் போது:

அதிக ஆக்ஸிஜன் உடலில் சேரும்
ரத்த ஓட்டம் சீராகும்
ரத்த அழுத்தம் கட்டுப்படும்

📝 முடிவுரை

உயர் இரத்த அழுத்தம் ஒரு ஆபத்தான நோயாக இருந்தாலும், சரியான உணவு முறை, இயற்கை வைத்தியம், மனஅழுத்த கட்டுப்பாடு மற்றும் நல்ல வாழ்க்கை முறையால் இதை கட்டுக்குள் வைத்திருக்க முடியும்.

⚠️ குறிப்பு: ஏற்கனவே மருந்து எடுத்துக் கொண்டிருப்பவர்கள் மருத்துவரின் ஆலோசனை இல்லாமல் எந்த இயற்கை முறையையும் தொடங்கக் கூடாது.

ஆதாரம்: இயற்கை வைத்தியம் & ஆரோக்கிய வழிகாட்டிகள்

🌸 பன்னீர் பூ – பயன்படுத்தி சர்க்கரை குறைக்க

🌸 பன்னீர் பூ – சர்க்கரை நோய்க்கான இயற்கை மருந்து முறைகள்

📌 பன்னீர் பூ என்றால் என்ன?

பன்னீர் பூ (படம் பார்த்து நாட்டு மருந்து கடையில் வாங்குங்கள்) பாரம்பரியமாக சர்க்கரை (Diabetes) கட்டுப்படுத்த பயன்படும் ஒரு இயற்கை மூலிகை பூ ஆகும்.

🥣 பயன்படுத்தும் முறை

1️⃣ நாட்டு மருந்து கடையில் பன்னீர் பூ வாங்குங்கள்.
2️⃣ இரவு நேரத்தில் ஒரு டம்ளர் தண்ணீரில் 5 பூக்களை போட்டு ஊறவையுங்கள்.
3️⃣ காலையில் எழுந்ததும் அந்த தண்ணீரை வடிகட்டி,
4️⃣ வெறும் வயிற்றில் தண்ணீரை மட்டும் குடிக்கவும்.
5️⃣ அதற்குப் பிறகு ஒரு மணி நேரம் கழித்து உணவு சாப்பிடலாம்.

💊 மாத்திரை எடுத்துக்கொள்ளலாமா?

சர்க்கரை மாத்திரை சாப்பிட்டு வந்தாலும் பரவாயில்லை.
இந்த முறையை தொடர்ந்து செய்தால் 15 நாட்களில் சர்க்கரை கட்டுக்குள் வரலாம் (என் சொந்த அனுபவம்).
சர்க்கரை கட்டுப்பாட்டில் வந்த பிறகு, மருத்துவர் ஆலோசனைப்படி மாத்திரையை குறைக்கலாம் அல்லது நிறுத்தலாம்.

⚠️ முக்கிய குறிப்பு: மாத்திரையை நிறுத்துவதற்கு முன் மருத்துவரை கண்டிப்பாக ஆலோசிக்கவும்.

🥗 உணவு கட்டுப்பாடு மிக முக்கியம்

சர்க்கரை கட்டுக்குள் வந்த பிறகு, உணவு கட்டுப்பாடு அவசியம்.

✅ தானிய உணவு சாப்பிடுங்கள்
✅ வாரத்தில் 2 முறை முருங்கைக்கீரை சாப்பிடுங்கள்
✅ பாகற்காய் உணவில் சேர்க்கவும்
✅ அவித்த உணவுகளை அதிகம் சாப்பிடுங்கள்

❌ எண்ணெயில் பொரித்த உணவுகளை தவிர்க்கவும்

🔁 தொடர்ந்து பயன்படுத்தலாமா?

சர்க்கரை கட்டுக்குள் வந்த பிறகும் தேவைக்கேற்ப பன்னீர் பூ தண்ணீர் பயன்படுத்தலாம்.
எப்போதும் நினைவில் கொள்ளுங்கள்:
👉 ஒரு டம்ளர் தண்ணீர் + 5 பன்னீர் பூ

📷 வாங்கும்போது கவனம்

பன்னீர் பூ வாங்கும்போது சரியான பூவா என்று படம் பார்த்து உறுதி செய்து வாங்குங்கள்.

💚 இயற்கை முறைகள் உதவியாக இருக்கலாம். ஆனால், மருத்துவர் ஆலோசனை மற்றும் ரத்த சர்க்கரை பரிசோதனை அவசியம்.

அழுக்கு பற்கள் இருந்தாலும், இதைப் பயன்படுத்தினால் பற்களை பிரகாசமாக்கும்!

எத்தனை அழுக்கு பற்கள் இருந்தாலும், இதைப் பயன்படுத்தினால் பற்களை பிரகாசமாக்கும்!

நிறைய உணவை சாப்பிட்ட பிறகு, பெரும்பாலான மக்கள் சரியாக துவைக்க மாட்டார்கள், இது பற்களின் மஞ்சள் நிறத்தை படிப்படியாக அதிகரிக்கச் செய்கிறது, ஏனெனில் பற்களில் உள்ள பாக்டீரியாக்கள் அழுகி வாடை வரத் தொடங்குகின்றன. இதன் காரணமாக நாம் யாருக்கும் முன்னால் வெளிப்படையாக சிரிக்க முடியவில்லை, இந்த வாசனையால், நாங்கள் யாருடனும் பேச தயங்குகிறோம்.
ஆனால் இன்று நாங்கள் கொண்டு வந்த தீர்வு, நீங்கள் ஒவ்வொரு நாளும் 2 நிமிடங்கள் மட்டுமே செய்ய வேண்டும், இது உங்கள் பற்களின் மஞ்சள் நிறத்தை அகற்றுவதோடு அழுகல் மற்றும் துர்நாற்றத்தையும் நீக்குவது மட்டுமல்லாமல், இது உங்களுக்கு ஒரு பிரகாசமான புன்னகையைத் தரும், மேலும் நீங்கள் ஒருவரின் முன் வருவீர்கள் பேசுவதில் நீங்கள் எந்த சங்கடத்தையும் எதிர்கொள்ள வேண்டியதில்லை.

செய்முறை

முதலில் சில துளசி இலைகளை எடுத்து சிறிய துண்டுகளாக உடைத்து, பின்னர் கால் டீஸ்பூன் பேக்கிங் சோடா மற்றும் ஒரு டீஸ்பூன் தேங்காய் எண்ணெய் சேர்த்து, பின்னர் எந்த பற்பசையையும் சேர்த்து, அந்த பற்பசையை முயற்சிக்கவும் இதில் எந்த சுவையும் இல்லை, இறுதியில் ஒரு சிட்டிகை மஞ்சள் சேர்த்து ஒரு தடிமனான பேஸ்டை தயார் செய்யவும்.
இந்த பேஸ்டை தூரிகையில் தடவுவது தினமும் காலையிலும் மாலையிலும் துலக்குவதுதான், இந்த பேஸ்டில் துளசி மற்றும் மஞ்சள் போன்ற இயற்கையான விஷயங்கள் உள்ளன, இது அழுகல் மற்றும் துர்நாற்றத்தை நீக்குவதோடு பற்களை வலிமையாக்குகிறது, அதே போல் அதில் இருக்கும் பேக்கிங் சோடா பற்களுக்கு உடனடி பிரகாசத்தை தருகிறது உள்ளது

சளியால் அவதியா?

சளியால் அவதியா?
சட்டுன்னு போக இத செய்யுங்க!

நுரையீரல் சளியை வெளியேற்ற ஒரே ஒரு வெற்றிலையுடன் இஞ்சி சிறிய துண்டு.!

பலரை வாட்டி வதைக்கும் சளி பிரச்சனையை தீர்ப்பது எப்படி என்று பார்க்கப் போகின்றோம். நுரையீரல் சளி என்பது சாதாரண விடயம் கிடையாது என்பதை நீங்கள் அறிவீர்கள்.

ஆரம்பத்தில் சாதாரண விடயமாக இருக்கும் இந்த சளி நாட்கள் சென்றபின் வேறு நோய்களையும் உருவாக்கிவிடும். அதனால் சளி ஆரம்பத்தில் இருக்கும் போதே வெளியேற்றுவது தான் சிறப்பு. இந்த மருந்து ஆஸ்துமா, நுரையீரல் சளி, இருமல், போன்றவற்றிக்கு நிவாரணம் அளிக்கிறது. சரி வாங்க முதலில் மருத்துவ குறிப்பை பார்க்கலாம். இதற்கு தேவையான பொருட்கள்:

வெற்றிலை ஒன்று. இஞ்சி சிறிய துண்டு. தேன் தேவையான அளவு. இவற்றை வைத்து எப்படி மருந்து செய்வதென பார்க்கலாம். முதலில் வெற்றிலையின் காம்பை நீக்கிவிடுங்கள். வெற்றிலையை துண்டு துண்டாக நறுக்கி அதனுடன் இஞ்சியை சேருங்கள். நன்றாக கொதித்த தண்ணீர் ஒரு டீஸ்பூன் சேர்த்து மிக்ஸியில் போட்டு நன்றாக அரைத்து அதில் வரும் ஜூஸை சிறிய பாத்திரத்தில் வடித்து எடுத்துக் கொள்ளுங்கள். இந்த ஜூஸ் சிறிது காரமாக இருக்கும் அதனால் சிறிதளவு தேன் சேர்த்துக் கொள்ளுங்கள்.

இப்போது மருந்து தயார். இந்த ஜூஸை காலை மற்றும் மாலை இரண்டு வேலையும் குடித்து வர இரண்டே நாட்களில் நுரையீரல் சளி ஆஸ்துமா போன்றவை நீங்கிவிடும்.

இது மலத்துடன் வெளியேறுவதால் எந்த பக்க விளைவுகளும் இல்லை. இந்த ஜூஸ் 10 வயதிற்கு மேட்பட்டவர்கள் எடுத்துக் கொள்ளலாம்

16 டிசம்பர், 2019

சித்த மருத்துவ குறிப்புகள்

சித்த மருத்துவ குறிப்புகள் :-

தலைவலி :-
ஐந்தாறு துளசி இலைகளோடு ஒரு சிறு துண்டு சுக்கு, 2 லவங்கம், சேர்த்து நன்கு அரைத்து நெற்றியில் பற்றாகப் போட்டால் தலைவலி குணமாகும்.

தொண்டை கரகரப்பு :-
சுக்கு, பால் மிளகு, திப்பிலி, ஏலரிசி ஆகியவற்றை நன்கு வறுத்துப் பொடி செய்து தேனில் கலந்து சாப்பிட்டால் தொண்டை கரகரப்பு குணமாகும்.

நெஞ்சு சளி :-
தேங்காய் எண்ணையில் கற்பூரம் சேர்த்து நன்கு சுடவைத்து ஆற வைத்து நெஞ்சில் தடவினால் சளி குணமாகும்.

தொடர் விக்கல் :-
நெல்லிக்காய் இடித்துச் சாறு பிழிந்து, தேன் சேர்த்துச் சாப்பிட்டால் தொடர் விக்கல் தீரும்.

வாய் நாற்றம் :-
சட்டியில் படிகாரம் போட்டுக் காய்ச்சி ஆறவைத்து, அதனை ஒரு நாளைக்கு மூன்று வேளை வாய் கொப்பளித்து வந்தால் வாய் நாற்றம் போகும்.

உதட்டு வெடிப்பு :-
கரும்பு சக்கையை எடுத்து எரித்து சாம்பலாக்கி, அதனுடன் வெண்ணெய் கலந்து உதட்டில் தடவி வந்தால் உதட்டு வெடிப்பு குணமாகும்.

அஜீரணம் :-
ஒரு டம்ளர் தண்ணீரில் கருவேப்பிலை, இஞ்சி, சீரகம் ஆகிய மூன்றையும் கொதிக்க வைத்து ஆறவைத்து வடிகட்டி குடித்தால் அஜீரணம் சரியாகும்.

குடல்புண் :-
மஞ்சளை தணலில் இட்டு, சாம்பல் ஆகும் வரை எரிக்க வேண்டும். மஞ்சள் கரி சாம்பலை தேன் கலந்து சாப்பிட்டால் குடல் புண் ஆறும்.

வாயுத் தொல்லை :-
வேப்பம் பூவை உலர்த்தி தூளாக வெந்நீரில் உட்கொள்வதினால் வாயுதொல்லை நீங்கும். அத்துடன் ஆறாத வயிற்றுப்புண்ணும் நீங்கும்.

வயிற்று வலி :-
வெந்தயத்தை நெய்யில் வறுத்து பொடி செய்து மோரில் குடித்தால் வயிற்று வலி நீங்கும்.

மலச்சிக்கல் :-
செம்பருத்தி இலைகளை பொடியாக்கி, தினமும் இருவேளை சாப்பிட்டு வந்தால் மலச்சிக்கல் தீரும்.

சீதபேதி :-
மலை வாழைப்பழத்தை நல்லெண்ணையில் சேர்த்துச் சாப்பிட்டால் சீதபேதி குணமாகும்.

பித்த வெடிப்பு :-
கண்டங்கத்திரி இலைசாறை ஆலிவ் எண்ணையில் காய்ச்சி பூசி வந்தால் பித்த வெடிப்பு குணமாகும்.

மூச்சுப்பிடிப்பு :-
சூடம், சுக்கு, சாம்பிராணி, பெருங்காயம் இவைகளை சம அளவு எடுத்து சேர்த்து வடித்த கஞ்சியில் கலக்கி மறுபடியும் சூடுபடுத்தி மூச்சுப்பிடிப்பு உள்ள இடத்தில் மூன்று வேளை தடவினால் குணமாகும்.

சரும நோய் :-
கமலா ஆரஞ்சு தோலை வெயிலில் காயவைத்து பொடி செய்து தினமும் சோப்புக்கு பதிலாக உடம்பில் தேய்த்து குளித்து வந்தால் சரும நோய் குணமாகும்.

தேமல் :-
வெள்ளை பூண்டை வெற்றிலை சேர்த்து மசிய அரைத்து தினமும் தோலில் தேய்த்து குளித்து வந்தால் தேமல் குணமாகும்.

மூலம் :-
கருணைக் கிழங்கை சிறுதுண்டுகளாய் நறுக்கி துவரம் பருப்புடன் சேர்த்து, சாம்பாராக செய்து சாப்பிட்டு வந்தால் மூலம் குணமாகும்.

தீப்புண் :-
வாழைத் தண்டை சுட்டு அதன் சாம்பலை தேங்காய் எண்ணையில் கலந்து தடவி வந்தால் தீப்புண், சீழ்வடிதல் மற்றும் காயங்கள் விரைவில் குணமாகும்.

மூக்கடைப்பு :-
ஒரு துண்டு சுக்கை தோல் நீக்கி அரை லிட்டர் நீரில் போட்டு சுண்டக் காய்ச்சி, பால், சர்க்கரை சேர்த்துக் காலை, மாலை சாப்பிட்டு வந்தால் மூக்கடைப்பு விரைவில் நீங்கும்.

வறட்டு இருமல் :-
எலுமிச்சம்பழச்சாறு, தேனில் கலந்து குடித்தால் வறட்டு இருமல் குணமாகும்